بعيدا عن الاحباط واننا مش هنتاهل وكدا
هو فعلا صعب وبنسبة 75% احنا بره بس اللى خلا غانا تجيب 6 على ارضها
هيخليها تانى ماتش تريح لعيبتها الاساسيين لان كل تصريحات مدربهم انهم اتاهلو خلاص
لو غانا جت مصر ولعبت دفاع وصلاح و تريكه و وليد سليمان ركزو فى الهجمات
ممكن مش نجيب 6 ممكن نجيب 16 لان على ما يفوق ان منتخب مصر هيحط عليه
وهيتاهل هتبقى النتيجه 4 - 0 ولو حتى دافع بالـ11 فى اخر كام دقيقه عشان الخامسميجيش فيه
برضو هيجى لان مصر فى كل المواجهات اللى بتبقى على جون مبتخرجش
مصر والكاميرون كاس الامم الافريقيه 2008
مصر وغانا كاس الامم الافريقيه 2010
مصر و الجزائر مباراة العوده التصفيات المؤهله لكاس العالم 2010
كلها كان كل اللعيبه مدافعين واخر 5 دقايق جبنا جون
باختصار المنتخب لو عايز يتاهل هيتاهل مفيش حاجه اسمها مستحيل هيا محتاجه شوية تخطيط وتنظيم هجمات بسرعه وهتلاقينا الشوط الاول جايبين 2 او 3 على هو ما يفوق الشوط التانى هيكون طلع من الماتش وبفضيحه
حصل اكتر من حاجه كان مستحيل انها تحصل
برشلونه فى عز ما هى معندهاش لعيبه ومفيش تركيز جابت ميلان الارض 4-0 ميلان دى فرقة سولى مونتارى
فرقة اندرى ايو اللعيب اللى عندهم خسرت الدورى فى اخر ماتش
اسامواه جيان خرج فرقته من كاس العالم السنه اللى فاتت لما ضيع ضربة جزاء فى اخر دقيقه
برضو لو ركزنا هنلاقى الحارس بتاعهم دا خرم اكتر من اكرامى اى كورنر يطلع يلوش فى الهوا وميجيبش الكورا واحنا نقلش لو استغلينا غباء حارسهم من فاولات وكورنرات زى بتاعت احمد نجيب النهارده ممكن نجيب جونين من الحكايه دى
لو يتلاحظ النهارده ان غانا معتمدتش على سرعات كانت بتعتمد على مهارات فرديه لسولى مونتارى واسامواه جيان بس لو اللاعبين دول نزلو اصلا لو اتمسكو يبقى الماتش معانا من الدفاع
طبعا برادلى لو كمل محتاج دفاع تانى غير وائل جمعه على الاقل يسد معاه
برضو الماتش الجاى هيبقى قبلها بيومين معظم فرقهم بتلعب فى الدوريات وكدا كدا هما ضامنين الماتش فهينزلو طبيعى ويسافرو قبل الماتش بيوم وهيبقى فى تعب و سذاجه فى لعبهم
لو احنا لمينا كل النقط دى هنخرج من الماتش على كاس العالم
غانا فرقة مش جامده اول 3 اجوان جايين خوف كل اللى احنا محتاجينه مدافع طويل عشان يطلع معاهم فى العرضيات النهارده جونين او تلاته بنفس الطريقه برعونه من دفاعنا يبقى واحد وسط 5 والواحد يجيب الجون والخمسه بيتفرجو عليه
لسا فى امل ان شاء الله هنتاهل
المستحيل مش بعيد عن ربنا والمستحيل مش مصري .. مفيش حاجة إسمها مستحي
الأربعاء أكتوبر 16, 2013 3:11 pm
